ABŞ-ın Kaliforniya ştatının Los-Anceles dairəsində yeni güclü meşə yanğını iki saatdan az müddətdə 20 kv.km-dən çox ərazini əhatə edib.
Sitat.info xəbər verir ki, bu barədə CNN televiziyası məlumat yayıb.
Məlumata görə, yanğının genişlənməsi təhlükəsi ilə əlaqədar hakimiyyət orqanları Kasteyk gölü ətrafındakı ərazilərin sakinlərinin məcburi təxliyə edilməsini elan edib.
Qeyd edək ki, Los-Ancelesin müxtəlif yerlərində yanvarın 7-də başlayan yanğınlar indiyə qədər 37 min hektardan çox ərazini külə çevirib. Fəlakətdə 12 mindən çox mülk yanıb. İqtisadi itkilərin 250-275 milyard dollar civarında olduğu təxmin edilir.