Türkiyənin Konya vilayətində çökən üçmərtəbəli binada axtarış-xilasetmə işləri davam etdirilir.
Sitat.info xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, xilasedicilər 3 nəfəri dağıntıların altından sağ çıxara bilib. Həmin şəxslər xəstəxanaya yerləşdiriliblər. Bir nəfərin isə həlak olduğu üzə çıxıb. Xilasedicilər onun meyitini dağıntılar altından çıxarıblar.
Dağıntılar altında qalan bir nəfərin axtarışları aparılır.
Qeyd edək ki, sosial şəbəkədə AFAD əməkdaşı ilə dağıntılar altından xilas edilən şəxslərdən birinin dialoqunun videosu yayılıb.