Myanmada martın 28-də baş vermiş güclü zəlzələ nəticəsində ölənlərin sayı 3 085 nəfərə yüksəlib.
Sitat.info xarici mediaya istinadən xəbər verir ki, təbii fəlakət zamanı 4 714 nəfər müxtəlif dərəcəli xəsarətlər alıb, 341 nəfərin isə hələ də itkin olduğu bildirilir.
Zəlzələ nəticəsində yüzlərlə yaşayış binası, infrastruktur obyektləri və yollar dağılıb. Xilasedicilər və humanitar təşkilatlar axtarış-xilasetmə işlərini davam etdirirlər. Rəsmilər bildirirlər ki, zərərçəkmişlərə yardım üçün beynəlxalq dəstək tələb olunur.
Ölkə rəhbərliyi Myanmada bir həftəlik milli matəm elan edib. Bu müddət ərzində dövlət bayraqları aprelin 6-dək yarıya qədər endirilib. Faciənin təsirlərini azaltmaq üçün yardım fondları yaradılıb, vətəndaşlar və təşkilatlar dəstək kampaniyalarına qoşulmağa çağırılıb.
