"ABŞ və İran arasında müharibənin dayandırılması və nüvə məsələsi ilə bağlı razılaşma əldə edildi. Bu razılaşmanın məhz D. Trampın 80 illiyi günündə əldə edilməsi təsadüfi deyil. Əgər, İran özünü qalib sayırdısa, D.Trampın ad günündə razılaşmanı ertələməli idi.
Bu razılaşma ilə İran nüvə silahından imtina edir və zənginləşdirilmiş uranın məhv edilməsinə razıdır. Çünki ABŞ İranı nüvə silahından imtina və zənginləşdirilmiş uranın məhvi üçün İrana qarşı hərbi əməliyyatlara başladı. Digər bəndlər isə, təfərrüatlardır".
Bu sözləri Sitat.info-ya açıqlamasında politoloq Məhəmməd Əsədullazadə deyib.
O qeyd edib ki, ABŞ və İran arasında əməkdaşlıq da ola bilər və tərəflər müxtəlif sahələrdə birgə layihələr həyata keçirə bilər: "Müharibənin ilk günlərində ABŞ İsrailin təhriki ilə Iranda rejimin dəyişməsini qarşısına məqsəd qoysa da, bunun mümkünsüz olduğunun fərqinə vardı. İsrail çalışırdı ki, İran da rejim dəyişikliyi baş tutsun. ABŞ-a isə İran rejimi ilə əməkdaşlıq lazım idi, nəinki rejimi deyişmək. Bu müharibədə İran hərbi sənayesinə böyük zərbə vuruldu. İqtisadiyyat və sosial problemlər ağırlaşırdı. Bu problemlər fonunda SEPAH-ın ABŞ-la razılığa getməsində İran prezidenti M. Pezeşkianın rolu mühüm oldu. Bu müharibədə İran qalib deyil. Təbii ki, İran rəhbərliyi rejimi qoruduğu üçün özünü qalib sayır. Amma, İran rejiminin artıq regional aktor olması mümkün görünmür".
Politoloq hesab edir ki, D.Tramp İranı nüvə silahından imtinaya məcbur etdi, ancaq İran bu savaşdan məğlub çıxmadı: "Təbii ki, İran da kaputilyasiya aktıma imza atmadı. Baxmayaraq ki, D.Tramp Tehrandan kapitulyasiya tələb edirdi. Hörmüz boğazı və Körfəz ölkələrinə zərbə İranda rejimin xilas kəməri oldu. İran rejimi ABŞ-la danışıqlara gedərək iqtisadi problemlərin həlli və sanksiyaların aradan qaldırılmasına nail oldu".
Nigar,
Sitat.info