Bakı Dövlət Universitetində böyük Azərbaycan şairi,dramaturqu Hüseyn Cavidin doğum günü münasibətilə elmi seminar təşkil edilib.
Sitat.info xəbər verir ki, tədbir Jurnalistika fakültəsi, Multimedia və elektron kommunikasiya kafedrasının müəllimi, filologiya elmləri doktoru, professor Sevil Həsənovanın rəhbərliyi ilə “Radioda praktik iş” fənnində həyata keçirilib.
Tədbirdə Jurnalistika fakültəsinin tələbələrindən Aytac Baxışova, Türkanə Muradlı, Zümrüd Məmmədova, Saida Ramazanovi, Hüseyn İlyasov, Natavan Həsənova, Nigar Əliyeva,Müjgan Əhmədova, Aysu Hüseyinova, Ayla Aslanzadə, Nəzrin Süleymanova, Ceyran İsmayılzadə, Ağarza Hüseynov və digərləri öz maraqlı təqdimatlarıyla çıxış ediblər.
Tələbələr eyni zamanda hazırladıqları radiosujetləri də səsləndiriblər. Tədbirdə H.Cavidin böyük qardaşı Şeyx Məhəmməd Rasizadənin nəticəsi Aysel Babayeva baş qonaq qismində çıxış edib. O, Cavid haqqında maraqlı məlumatlar və ona həsr etdiyi şeirini səsləndirib
Tədbirdə həmçinin Multimedia və elektron kommunikasiya kafedrasının dosenti Sevinc Məmmədova da iştirak edib. Seminarda H.Cavidin ədəbi irsi, keşməkeşli həyatı və Azərbaycan mədəniyyətinə verdiyi tövhələr müzakirə olunub. Tədbirin sonunda tələbələr Hüseyn Cavidin əsərlərindən parçalar səsləndiriblər.
Aytac Baxış,
Sitat.info
