2024-cü ildə Azərbaycanın mənzil bazarında qiymətlər 2023-cü ilə nisbətən 9,9% artıb.
Sitat.info Dövlət Statistika Komitəsinə istinadən xəbər verir ki, bahalaşma ilkin mənzil bazarında 11,3%, təkrar mənzil bazarında isə 9,8% olub.
Bundan başqa, ötən ilin IV rübündə mənzil bazarında qiymət indeksi əvvəlki rübə nisbətən 3,3% yüksəlib. Bu artım ilkin mənzil bazarında 2,8%, təkrar mənzil bazarında isə 3,3% təşkil edib.
Mənzil bazarındakı qiymət artımı sektorun dinamik inkişafını və tələbatın artdığını göstərir.