Xəbər verdiyimiz kimi təxminən 2 saat əvvəl "Birbank" tətbiqində problemlər yaranıb. Bu saatlara qədər problem hələ də həllini tapmayıb.
Problem müştərilər arasında narahatlığa səbəb olub.
Məsələ ilə bağlı "Kapital Bank"dan Sitat.info-nun sorğusu cavablandırılıb.
Bankdan yaranan problemlə bağlı “Sitat.info”ya bildirilib:
“Hazırda Birbank mobil tətbiqinin fəaliyyətində müvəqqəti fasilələr yaranıb. Bank əməliyyatlarını rahat və fasiləsiz həyata keçirməyin müştərilərimiz üçün nə qədər vacib olduğunu anlayır, yaranan narahatlığın ən qısa zamanda həlli üçün tam gücümüzlə çalışırıq. Həmçinin məlumat üçün bildirmək istəyirik ki, müştərilərimiz kartla POS-terminal, eləcə də Apple Pay və Google Pay ödənişlərini rahatlıqla edə bilərlər.
Müştərilərimizə anlayışları üçün təşəkkür edirik”.