ABŞ Prezidenti Donald Tramp İraqda İŞİD qruplaşmasının liderlərindən birinin zərərsizləşdirildiyini açıqlayıb.
Sitat.info xəbər verir ki, bu barədə D. Tramp "Truth Social” hesabında yazıb.
“Bu gün İraqda İŞİD-in fərari lideri öldürüldü. Cəsur hərbçilərimiz onu yorulmadan ovladılar. Əməliyyat İraq hökuməti və İraq Kürdüstanının hakimiyyət orqanları ilə koordinasiya əsasında həyata keçirilib”, - ABŞ lideri qeyd edib.
Qeyd edək ki, ötən gün İraqın Baş naziri Məhəmməd əs-Sudani İŞİD terror təşkilatının Suriya və İraq lideri Abdullah Maki Musleh El Rifainin öldürüldüyünü açıqlayıb.