Tehran nüvə proqramını məhdudlaşdırmağa razı olmayacaq, lakin MAQATE-yə nüvə obyektlərinə çıxışı təmin etməyə hazırdır.
Sitat.info "Tehran Tayms”a istinadla xəbər verir ki, bunu İranın xarici işlər naziri Abbas Arakçı aprelin 12-də Omanda ABŞ Prezidentinin xüsusi elçisi Stiven Uitkoffla dolayı danışıqlar zamanı deyib.
Arakçı vurğulayıb ki, İran heç bir halda nüvə proqramının tam məhdudlaşdırılmasına razı olmayacaq:
“Lakin MAQATE Tehranın nüvə obyektlərinə giriş icazəsi veriləcək yeganə təşkilat olacaq”.
Nəşrin məlumatına görə, danışıqlar zamanı tərəflər arasında 10-a yaxın yazılı informasiya mübadiləsi aparılıb:
“İran nümayəndə heyətinin mesajlarında danışıqların davam etdirilməsi üçün ümumi çərçivə razılaşmasının əldə olunmasının zəruriliyi və Vaşinqtonun Tehranın təklifini qəbul etməməsi halında İranın növbəti görüşdə ABŞ-ın alternativ baxışını gözləyəcəyinə işarə edilib”.
