Putin İranın yeni ali lideri ilə əlaqələrə açıqdır - Kreml
Hazırda Rusiya Prezidenti Vladimir Putinlə İranın yeni ali lideri Müctəba Xamenei arasında telefon danışığı ilə bağlı konkret razılaşma yoxdur.
Sitat.info xəbər verir ki, bu barədə TASS-a Kremlin sözçüsü Dmitri Peskov məlumat verib.
Peskov bildirib ki, hazırda belə bir danışıq planlaşdırılmasa da, Putin İranın yeni rəhbəri ilə təmaslara açıqdır.
Bundan əvvəl iranlı mənbə TASS-a açıqlamasında Müctəba Xameneinin ilk beynəlxalq təmasının Putinlə telefon danışığı və ya görüş ola biləcəyini bildirmişdi. Lakin bu iddia müstəqil şəkildə təsdiqlənməyib və rəsmi mənbələr tərəfindən doğrulanmayıb.
