Yunanıstanda bir şəxs atasının pensiyasını almağa davam etmək üçün onun meyitini illərlə istifadəsiz otelin zirzəmisindəki dondurucuda gizlətdiyi üçün saxlanılıb.
Sitat.info xəbər verir ki, Polisin məlumatına görə, 90 yaşlı təqaüdçü müəllim təbii səbəblərdən ölüb və hadisə ilə bağlı qətl şübhəsi yoxdur.
55 yaşlı oğul barəsində dələduzluq, yalan məlumat vermə və evində pnevmatik silah aşkar edildiyinə görə qanunsuz silah saxlama maddələri ilə cinayət işi açılıb.
Hadisə Mora yarımadasındakı Mistras kəndində baş verib. Uzun müddət yaşlı kişidən xəbər ala bilməyən sakinlərin müraciətindən sonra polis istifadəsiz otelin zirzəmisindəki dondurucuda meyiti aşkarlayıb.
Şübhəli atasının təxminən iki il yarım əvvəl öldüyünü və meyiti dondurucuya qoyduğunu etiraf edib. Ölümün dəqiq səbəbi ekspertizadan sonra müəyyən ediləcək.
Səid,
Sitat.info