Nobel mükafatının məbləği artırıldı: Qaliblər BU QƏDƏR alacaq
Nobel Fondu 2026-cı ildə hər bir kateqoriya üzrə mükafatın məbləğini artıraraq 12 milyon krona (təxminən 1,22 milyon dollar) çatdırmaq barədə qərar qəbul edib.
Sitat.info xəbər verir ki, Fondun mətbuat relizində verildiyi məlumata əsasən, mükafatın məbləği əvvəlki illə müqayisədə 1 milyon kron (101 min dollar) artırılıb.
Xatırladaq ki, ilk Nobel mükafatlarının təqdim edildiyi 1901-ci ildə hər kateqoriya üzrə fond 150 782 kron təşkil edib. Son 15 il ərzində ödənilən məbləğə dəfələrlə baxılıb. 2012-ci ildə bu rəqəm 10 milyon krondan 8 milyon krona endirilsə də, həmin dövrdən bəri mükafat fondu üç dəfə artıma məruz qalıb.
Builki Nobel mükafatı laureatlarının adları 5 - 12 oktyabr tarixlərində ictimaiyyətə elan ediləcək. /Musavat.com
