Ölümcül meşə yanğınları Los-Ancelesi bürüyüb və onminlərlə sakin təxliyə edilib. Onların arasında məşhur simalar da var. Milyon dollarlıq evlər yanarkən, şəhərin müxtəlif yerlərində yeni yanğınlar başlayıb.
Sitat.info xarici mediaya istinadən xəbər verir ki, güclü küləyin səbəb olduğu meşə yanğını nəticəsində ölənlərin sayı 5 nəfərə çatıb.
Bölgədəki bütün məktəblər bağlanıb və Bayden İtaliyaya səfərini ləğv edib.
Qeyd edək ki, ABŞ-ın Kaliforniya ştatında, Los-Ancelesdə İton, Palisades, Hurst və Vudlidə meşə yanğınları davam edir. Santa Monika dağları ilə Sakit Okean arasındakı yüksək səviyyəli yaşayış məhəlləsi olan Sakit Okean Palisades bölgəsində iki gün əvvəl başlayan yanğında 1000 hektardan çox ərazi yanıb.
Güclü küləklərin yaydığı meşə yanğınlarının ümumi zərərinin və iqtisadi itkisinin 52-57 milyard dollar arasında olacağı gözlənilir. Ştat boyu milyonlarla insana xəbərdarlıq edilib, 100 min insan üçün isə təxliyə əmri verilib. Yanğınlar səbəbindən onlarla məktəb bağlanıb, on minlərlə ev işıqsız qalıb.
Bildirilir ki, yanğınların söndürülməsi üçün 1400 yanğınsöndürən ayrılıb. Rəsmilər yanğınların vurduğu zərərin dəqiq hesabını verməsələr də, ən azı 70 min insanın təxliyə əmri altında olduğunu və 30 minə yaxın strukturun təhlükədə bildiriblər.
Türkanə,
Sitat.info