Lerik Rayon İcra Hakimiyyətinin başçısı Əkbər Abbasov rayon icra aparatının məsul əməkdaşlarının, rayonun hüquq-mühafizə orqanlarının, əlaqədar təşkilatların rəhbər işçilərinin iştirakı ilə Piran kəndində növbəti səyyar qəbul keçirib.
Sitat.info xəbər verir ki, qəbulda çəkilən fotolar sosial şəbəkələrdə paylaşılıb və müzakirələrə səbəb olub.
Belə ki, Piran və Zərigüməco kəndlərinin sakinlərinin iştirak etdiyi görüşdə, zalı isitmək üçün quraşdırılan qızdırıcıların icra başçısı və digər rəhbər işçilərin yanına qoyulması, vətəndaşlar əyləşən tərəfdə heç bir qızdırıcının olmaması diqqət çəkib. Bu fotonun icra başçısının nə dərəcə sakinlərin "qayğısına qaldığını" ortaya qoyub.
Qeyd edək ki, görüşdə kəndlərin elektrik təsərrüfatının yenilənməsi, içməli su probleminin həlli, yollarının təmiri ilə bağlı tələblər səsləndirilib.
Məğrur,
Sitat.info