Tramp Özbəkistana səfər etmək istəyir
ABŞ Prezidenti Donald Tramp Özbəkistana səfər etmək istəyir.
Sitat.info xəbər verir ki, bunu ABŞ prezidentinin qlobal tərəfdaşlıqlar üzrə xüsusi nümayəndəsi Paolo Zampolli “O‘zbekiston 24” telekanalına müsahibəsində bildirib.
Onun sözlərinə görə, Trampın prezident kimi sıx qrafiki var, lakin ABŞ lideri ona Özbəkistana səfər etmək istədiyini deyib.
“Ümid edirik ki, bu səfər mümkün qədər tez baş tutacaq”, – Zampolli qeyd edib.
O, səfərin konkret tarixinin hələ müəyyənləşdirilmədiyini bildirib.
