Ötən həftə İtaliyanın "Milan" klubundan ayrılan Paulu Fonseka karyerasını Türkiyədə davam etdirə bilər.
Sitat.info xəbər verir ki, portuqaliyalı mütəxəssis ötən ay baş məşqçi Covanni van Bronkhorstu qeyri-sabit nəticələrə görə istefaya göndərən "Beşiktaş"ın maraq dairəsinə düşüb. İddiaya görə, klub rəhbərliyi müvəqqəti çalışdırıcı Sərdar Topraktəpənin fəaliyyətindən narazıdır. Hazırda “qartallar” Türkiyə Superliqasında 27 xalla 6-cı pillədə qərarlaşıb.
Qeyd edək ki, P.Fonseka Milan təmsilçisi ilə yanaşı, ölkəsinin “Braqa” və “Portu”, İtaliyanın “Roma”, Fransanın “Lill” komandalarında çalışıb.