"DSX zabitini döyən Elçin Hüseynov mən deyiləm" - 3 qat dünya çempionundan etiraz (VİDEO)

23:51 10 Yanvar 2025

Xəbər verdiyimzi kimi, DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalov  Elnur Həmidov, Elçin Hüseynov, Elvin Məmmədov adlı idmançılar tərəfindən hücuma məruz qaldı.

Bir neçə gündür mətbuatın gündəmində olan bu məsələ yaşanan problemlərdən biri də mediada idmançı Elçin Hüseynovun fotosunun yanlış verilməsi olub. Belə ki, Fuad Zeynalovu döyən Elçin Hüseynov əvəzinə qaydasız döyüş üzrə (MMA)  3 qat dünya, 2 qat Avropa çempionu, əməkdar idman ustası  Elçin Hüseynovun fotosu verilib. Nəticədə prosesdən xəbərsiz olan idmançı sosial mediada tənqid hədəfinə çevrilib. Dəfələrlə həmin Elçin Hüseynov olmadığını bildirsə də, xəbərlər tirajlanmağa davam edir.

Üstəgəl Fuad Zeynalovu döyən 3 idmançının həbs edilməsi ilə bağlı xəbərlərdə də əməkdar idman ustası  Elçin Hüseynovun fotosunun tirajlanması yaxınlarının narahatlığına səbəb olub.

İdmançı bu barədə videomüraciət yayaraq hadisə ilə əlaqəsinin olmadığını və həmin ElçiN Hüseynov olmadığını dilə gətirib. 

Qeyd edək ki, Elçin Hüseynov təkcə idman sahəsindəki uğurları ilə deyil, həm də 44 günlük Vətən müharibəsində göstərdiyi şücaətlə tanınır.

Sitat.info həmin videonu təqdim edir.

Məğrur Salmanov,

Sitat.info

Azərbaycanlı idmançı MMA-da qazandığı qələbəsini Qarabağ şəhidlərinə həsr  etdi - FOTO | Hokm.Az



Xəbər xətti