"Qarabağ"ın futbolçusu Olavio Juninyo “Flamenqo”ya transfer olunub.
Sitat.info xəbər verir ki, 28 yaşlı hücumçu Braziliya klubu ilə müqavilə imzalayıb.
Bunu Ağdam təmsilçisinin mətbuat xidməti açıqlayıb.
Juninyo 2028-ci ilə qədər Braziliya klubunun şərəfini qoruyacaq. O, komandada 23 nömrəli formanı geyinəcək.
2023-cü ilin yayından Azərbaycan çempionunun formasını geyinən braziliyalı forvard bu müddətdə 81 oyunda 42 qol vurub. O, Premyer Liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib.
O, komanda ilə ölkə çempionu və kubokunun qalibi olub.