Tramp bu gün təyyarədə jurnalistlərə açıqlama verib.
Sitat.info xəbər verir ki, Rusiyanın Sumiyə hücumu ilə bağlı suala Tramp deyib: “Mən bunun dəhşətli olduğunu düşündüm”.
Bütün müharibələrin "dəhşətli bir şey" olduğunu qeyd edən Tramp əlavə edib ki, o prezident olsaydı, ABŞ heç vaxt müharibənin başlamasına icazə verməzdi və bu müharibə biabırçılıqdır.
Tramp müharibənin başlamasının Baydenin günahı olduğunu ifadə edib: "Bu, mənim müharibəm deyil. Bu, Baydenin müharibəsidir. Mən sadəcə onu dayandırmağa və çox sayda insanın həyatını xilas etməyə çalışıram".
Tramp deyib ki, Baydenin yerinə prezident olsaydı, Rusiya-Ukrayna müharibəsi heç vaxt başlamazdı: "Mən olsaydım, Putin müharibəyə başlamazdı. Putin Baydenə hörmət etməyib və buna görə müharibəyə başlayıb".
Tramp bildirib ki, müharibə olmasaydı, indi müharibə nəticəsində həlak olan milyonlarla insan sağ idi.
Nigar,
Sitat.info
