Bu gün Ermənistan Respublikasının milli qəhrəmanı, general-mayor Tiran Xaçatryan saxlanılıb.
Sitat.info xəbər verir ki, bu barədə Ermənistan mətbuatı məlumat yayıb.
Bildirilib ki, səhər saatlarında onun evinə İstintaq Komitəsinin əməkdaşları gəlib və Xaçatryanın saxlanılması barədə əmr aldıqlarını deyiblər.
Tiran Xaçatryanın vəkilinin sözlərinə görə, hər şey həbsə doğru gedir və böyük ehtimalla general günün sonunda məhkəmə qərarı ilə həbs olunacaq.
Qeyd edilib ki, onun həbsi 44 günlük müharibə ilə bağlıdır.