Rusiya-Amerika münasibətlərinin normallaşması onların sanksiyalar yükündən azad edilməsini nəzərdə tutmalıdır.
Sitat.info xəbər verir ki, bu sözləri Rusiya prezidentinin mətbuat katibi Dmitri Peskov brifinqdə deyib.
O həmçinin bildirib ki, hazırda belə bir planlar gündəmdə deyil.
“Bizim sanksiyalara münasibətimiz məlumdur, biz onları qeyri-qanuni hesab edirik”, - deyə Kreml nümayəndəsi qeyd edib.
“Əlbəttə, əgər söhbət ikitərəfli münasibətlərin normallaşdırılmasından gedirsə, o zaman onları sanksiyalar adlanan bu mənfi yükdən azad etmək lazımdır.
Peskov onu da deyib ki, hələlik ciddi irəliləyiş yoxdur: "Hər şey haqqında danışmaq yəqin ki, tezdir. Biz heç bir rəsmi açıqlama eşitməmişik".
Xatırladaq ki, ABŞ 2014-cü ildə Krım və Sevastopolun işğalından sonra Rusiyaya qarşı fəal şəkildə sanksiyalar tətbiq etməyə başlayıb. 2017-ci ildə Rusiyanın müdafiə və enerji sektorlarına məhdudiyyətlər qoyan və Rusiyanın iştirakı ilə həyata keçirilən layihələrə sərmayə qoyuluşunu çətinləşdirən ayrıca qanun - "Amerikanın düşmənlərinə sanksiyalar vasitəsilə mübarizə haqqında" qanun qəbul edilib. Bütün məhdudiyyətlər ildən-ilə daha da sərtləşib - 2022-ci ilə qədər sanksiya siyahıları 28 dəfə genişləndirilib.
Ukraynada xüsusi əməliyyat başlayandan sonra ABŞ sanksiyaları dövlətin iştirak etdiyi ən böyük şirkətlərə, sistem əhəmiyyətli banklara və bütün Rusiya rəhbərliyinə - hökumətin icra, qanunvericilik və məhkəmə qollarına qarşı tətbiq edilib. Ümumilikdə həm milli iqtisadiyyata, həm də hökumət strukturlarına, eləcə də ictimai və mədəniyyət xadimlərinə və KİV-ə təsir edən 80-ə yaxın məhdudiyyət paketi qəbul edilib.
Tehran,
Sitat.info
