Ukraynanın Rovno şəhərində yanacaq daşıyan yük maşını, avtobus və minik avtomobilinin iştirakı ilə baş verən qəzada 16 nəfərin öldüyü, 6 nəfərin yaralandığı bildirilib.
SİTAT.İNFO xarici mediyaya əsasən bildirir ki, Ukraynanın Rovno şəhərinin Dubenski rayonunun Sitnoye kəndi yaxınlığında yerli vaxtla saat 16.20-də Kiyev-Çop magistralında yanacaq dolu yük maşını, avtobus və minik avtomobilinin iştirakı ilə yol-nəqliyyat hadisəsi baş verib.
Polisin verdiyi açıqlamada, toqquşmanın təsiri ilə qəzada avtomobillərin alovlandığı, ilk məlumatlara görə qəzada 16 nəfərin həyatını itirdiyi, 6 nəfərin isə yaralandığı bildirilib. Açıqlamada yolun nəqliyyat üçün bağlandığı da bildirilib.
Safura Bənnayeva
SİTAT.İNFO