Son həftələrdə Rusiya dəniz neft ixracında rekord artım qeydə alıb, Rusiya neftinin barel qiyməti isə əksinə, rekord həddə düşüb. Rusiyada iki ay əvvəl vəd edilən neft hasilatının azaldılması hələ də təsdiqini tapmayıb.
Sitat.info xəbər verir ki, "Bloomberg"in məlumatına görə, aprelin son həftəsində Rusiyanın neft ixracı sutkada 4 milyon bareli keçib. Rusiya Federasiyasının Ukraynaya genişmiqyaslı işğalı başlayandan bəri təchizat bu xətti cəmi bir dəfə keçib.
Hindistan Rusiya neftinin aparıcı alıcısına çevrilir. Bloomberg-in məlumatına görə, bu gün Rusiya bu ölkəyə İraq və Səudiyyə Ərəbistanının birgə neftindən daha çox neft verir. Keçmişdə onlar Hindistan bazarının əsas neft tədarükçüsü idilər.
Lakin tədarükün fiziki həcminin artması fonunda Hindistanın aldığı Rusiya neftinin bir barelinin dəyəri, əksinə, rekord dərəcədə ucuzlaşıb. Son rəqəmlərə görə, Hindistan martda Rusiya xam neftinin hər bareli üçün 70,18 dollar ödəyirdi, bu rəqəm fevralda 72,14 dollar və bir il əvvəl isə 118 dollar idi.
Seymur Bənnayev
Sitat.info