ABŞ prezidenti Bayden Qəzzada atəşkəs üçün 3 mərhələli təklifinin olduğunu bildirib.
Sitat.info xəbər verir ki, Baydenin açıqlamalarından diqqət çəkən məqamlar aşağıdakılardır:
"Biz müharibəni həmişəlik bitirməyə çalışırıq. Girovları öz evlərinə qaytarmağa çalışırıq. Biz HƏMASsız Qəzzanı formalaşdırmağa çalışırıq. İsrail təkliflə çıxış edib. O, daimi atəşkəs və bütün girovlar üçün bu təklifi etdi. Təkliflər Qətər vasitəsilə HƏMAS-a çatdırılıb".
3 MƏRHƏLƏLİ PLANDA NƏLƏR VAR?
Bayden bildirib ki, bu təklif 3 mərhələdən ibarətdir: "Birinci mərhələ 6 həftə davam edəcək və tam atəşkəs əldə olunacaq. Qəzzalıların yaşadığı bölgədən İsrail əsgərlərinin çıxarılması, qadınların, qocaların və yaralıların azad edilməsi, qarşılığında isə yüzlərlə məhbus fələstinlinin azad edilməsi. Çoxlu girovlar həyatını itirib və cəsədləri ailələrinə veriləcək. Fələstinli mülki vətəndaşlar öz evlərinə qayıdacaqlar. Humanitar yardımlar sürətlə artacaq və hər gün 600 yük maşını Qəzzaya daxil olacaq. Qəzzada beynəlxalq ictimaiyyət tərəfindən yüz minlərlə sığınacaq tikiləcək. Bunlar dərhal başlayacaq.
HƏMAS VƏ İSRAİL GÖRÜŞƏCƏK
6 həftəlik ilk mərhələdə HƏMAS və İsrail ikinci mərhələ üçün görüşəcək. İsrail öz torpaqlarının təhlükəsiz olduğundan əmin olmaq istəyir. Bu danışıqlar 6 həftədən çox davam edərsə, atəşkəs davam edəcək. Bu proses bütün razılaşmalar yerinə yetirilənə qədər davam edəcək. İkinci mərhələdə bütün canlı əsirlər geri qaytarılacaq. Bura İsrail əsgərləri də daxildir. Münaqişələr əbədi olaraq dayanacaq. Qəzzanın yenidən qurulması üçün işlərə başlanacaq. Masanın üstündəki təklif budur. Bizə lazım olan və İsrail xalqının bilməsi lazım olan odur ki, proses öz təhlükəsizliyini təmin etmək üçün davam edəcək. HƏMAS 7 oktyabr kimi hücumu yenidən təşkil edə bilməməlidir.
“MÜHARİBƏNİN DAVAM ETMƏYİNİ İSTƏYƏNLƏR VAR”
Müharibənin əbədi davam etməsini istəyənlər var. İsrail rəsmilərinə dedim ki, onlara nə qədər təzyiq etsələr də, bu təklifin yanında olsunlar. Bu razılaşma ilə Qəzzanın yenidən qurulmasına başlanacaq. HƏMAS-ın yenidən silahlanmasına icazə verilməyəcək. Bu müqavilə məhv olmuş cəmiyyətləri bərpa edəcək. İsrail yenidən bölgə ilə iç-içə olacaq. Səudiyyə Ərəbistanı ilə normallaşma prosesi davam edəcək. Bu yol bizim üçün mümkündür. İsrailin özünü qorumaq hüququ var. O, oktyabrın 7-də günahkar olanları məsuliyyətə cəlb etmək hüququna malikdir. HƏMAS vədinə əməl etməsə, İsrail hərbi əməliyyatlarını davam etdirəcək. Biz üzərimizə düşəni edəcəyik. Bu, həqiqətən vacib bir mərhələdir. Həmas bu razılaşmanı qəbul etməlidir. Bunun üçün çağırış olmalıdır".
Nərgiz,
Sitat.info