İranın xarici işlər naziri Abbas Əraqçi Tehran və Vaşinqton arasında əldə olunan atəşkəsin Livanı da əhatə etdiyini bir daha vurğulayıb.
Sitat.info-nun xarici mediaya istinadən məlumatına görə, Əraqçi X sosial şəbəkəsində yazıb ki, atəşkəs “bütün cəbhələrdə, o cümlədən Livanda tam şəkildə qüvvədədir”.
“Bir cəbhədə atəşkəsin pozulması bütün cəbhələrdə atəşkəsin pozulması deməkdir. Hər hansı pozuntunun nəticələrinə görə ABŞ və İsrail məsuliyyət daşıyır”, - deyə iranlı diplomat bildirib.
Əraqçinin açıqlaması İsrailin baş naziri Benjamin Netanyahunun Beyrutun cənub ətraflarına zərbə endirilməsi barədə orduya göstəriş verdiyini açıqlamasından sonra səslənib.
Aytac,
Sitat.info