“Qalatasaray”-“Fənərbaxça” derbisinin hakimi məlum oldu
Türkiyə Superliqasının IX turunda keçiriləcək “Qalatasaray”-“Fənərbaxça” derbisinin hakimləri müəyyənləşib.
Sitat.info xəbər verir ki, İstanbul derbisini Atilla Karaoğlan idarə edəcək.
Ona Ceyhun Sesigüzel və Süleyman Özay kömək edəcəklər. Qarşılaşmanın dördüncü hakimi Abdullah Buğra Taşkınsoy olacaq.
Qeyd edək ki, “Qalatasaray” – “Fənərbaxça” qarşılaşması oktyabrın 26-sı, bazar ertəsi saat 22:30-da baş tutacaq.
