Dünən axşam Bakıda restoranlardan birində Vətən müharibəsi qazisi, 2-ci dərəcəli müharibə əlili Mobil Əhmədzadənin toy mərasimi keçirilib.
Sitat.info xəbər verir ki, toya əmək və əhalinin sosial müdafiəsi nazirinin müavini Anar Əliyev də qatılıb. Nazir müavini toyda bəylə birgə rəqs edib, ona xoşbəxtlik arzulayıb.
Qeyd edək ki, Mobil Əhmədzadə 44 günlük Vətən müharibəsinin sonuncu günü Şuşa uğrunda gedən döyüşlərdə ermənilər tərəfindən yaralı halda əsir götürülüb, 35 gün əsirlikdə saxlanıb.