Özbəkistan latın əlifbasına keçir
Özbəkistan Prezidenti Şavkat Mirziyoyev latın qrafikasına əsaslanan özbək əlifbasının təkmilləşdirilməsi haqqında qanunu imzalayıb.
Sitat.info xəbər verir ki, bu barədə məlumatı Prezident Administrasiyasının rəhbəri Səidə Mirziyoyeva yayıb.
Onun sözlərinə görə, mövcud sənədlər, milli valyuta və qiymətli kağızlar qüvvədə qalacaq. Dərsliklər, işarələr və markerlər xidmət müddəti bitdikcə tədricən dəyişdiriləcək.
Səidə Mirziyoyeva qeyd edib ki, o, əlifbanın yenidən işlənməsi təşəbbüsünü 2023-cü ilin dekabrında irəli sürüb. Administrasiya rəhbəri dəyişikliklərin yazılı dilin çatışmazlıqlarını aradan qaldırmağa və özbək dilinin rəqəmsal məkanda mövqeyini gücləndirməyə kömək edəcəyinə inanır.
Qanuna görə, latın qrafikasına əsaslanan özbək əlifbası artıq 26 hərf və üç hərf kombinasiyası əvəzinə 28 hərf və apostrofdan ibarətdir.
