Açıqlamaları ilə dünya gündəminə təsir edən Microsoft-un sahibi Bill Qeyts gələcəyin peşəsindən danışıb.
SİTAT.İNFO xəbər verir ki, iqlim dəyişikliyinin təsirlərinin hər keçən gün daha da artacağını vurğulayan Qeyts, iqlim texnologiyası üzərində çalışanların Google, Microsoft, Tesla və Amazon kimi şirkətləri keçəcəyini bildirib.
İqlim probleminin təsirlərinə diqqət çəkən məşhur iş adamı “dünyanı məhv edəcək” deyib.
İnsanların iqlim dəyişikliyi və iqlim texnologiyaları ilə məşğul olmasının lazım olduğunu ifadə edən Qeyts, xüsusilə elektrik avtomobilləri, akkumulyator texnologiyaları və hidrogen mühərriklərinin əhəmiyyət qazanacağını vurğulayıb.
İqlim texnologiyasının asan bir sahə olmadığını ifadə edən Qeyts, "Riskli bir işdir, amma sona qədər dözənlər əldə etdikləri qazanclara inanmayacaqlar" deyib.
Ləman Sərvanqızı
SİTAT.İNFO