Yeni Günəşli və Köhnə Günəşli qəsəbələrinə gedən magistral yolun bir hissəsini kəsərək, qəbristanlığa birləşdirirlər.
Bu barədə sitat.info-ya sürücülər məlumat veriblər.
Bildiriblər ki, aylardır sürüşmə adı altında yolun bir hissəsini zəbt edərək, qəbristanlığın ərazisinə qatıblar. Guya istinad divarı tikiləcək vəbu sürüşmənin qarşısı alınmaq məqsədi ilə edilir.
Sürücülər deyir ki, yolun zəbt edilən hissəsi ilə istinad divarının arasındakı boşluq doldurularaq, qəbristanlığa çevrilir: " Təxminən 1 ay əvvəl gecə saatlarında bahalı avtomobillərin qəbristanlığa yanaşdığını gördük.
Bir neçə şəxs avtomobildən düşərək yeni hazərlanan qəbristanlığa boylanırdı, aralarında müzakirə aparırdılar. Yəqin ki, istinad divarı adı altında yeni qəbr yerləri hazırlayırlar. Təxminən bu ərazidə yüzlərlə qəbr yeri hazırlanacaq. Günəşlşi qəbristanlığında
məzar yerləri 8-10 min manatdır. Bizim yolumuzu daraldıb, qazanclı çıxmaq istəyirlər. Onsuz da bu yolda tıxac olur. İndi daha vəziyyətimiz çətinləşəcək".
Təxminən 2 metr enində 400-500 metr uzunluqda yola istinad divarı çəkilir. Avtomobil Yolları Dövlət Agentliyinin “müvvəqqəti narahatlığa görə üzr istəyirik” plakatından bəllidir ki, qurum işlərini yekunlaşdırmayıb.
Aidiyyatı qurumların da mövqeyini dərc etməyə hazırıq.
Sitat.info-nun müxbiri həmin ərazinin videogörüntüsünü çəkib.
Həmin videonu təqdim edirik: