ABŞ prezidenti Co Bayden ölkə iqtisadiyyatının iki il ərzində böyük irəliləyiş əldə etdiyini söyləyərək, borc limiti probleminin Konqresdəki bəzi Respublikaçılar tərəfindən idarə olunan “istehsal böhranı” olduğunu deyib.
Sitat.info xəbər verir ki, Bayden, "Amerikaya İnvestisiya" mövzusundakı yığıncağın açılışında bu səhər açıqlanan məşğulluq hesabatından yaxşı xəbərlərin gəldiyinə diqqət çəkərək, keçən ay 250 mindən çox məşğulluq artımının qeyd edildiyini xatırladıb.
İşsizlik səviyyəsinin 3,4 faizlə son 50 ilin ən aşağı səviyyəsi olduğunu qeyd edən Bayden, qaradərililərin işsizlik nisbətinin də rekord həddə düşdüyünü bildirib.
Ard-arda 9 aydır düşməyə başlayan inflyasiyanın ötən yaydan bu yana 40 faiz azaldığını vurğulayan Bayden: "Aydındır ki, görəcəyimiz daha çox işimiz var, amma doğru istiqamətdə irəliləyirik",- deyə qeyd edib.
Sitat.info
"Amerikaya İnvestisiya" proqramı haqqında danışan Bayden, bu mövzuda irəliləyiş əldə etdiklərini söylədi.