Stress hamımız üçün qaçılmaz bir problemdir. Həyatımızı daha məhsuldar, daha canlı və keyfiyyətli davam etdirə bilməmiz üçün bizi yoran vəziyyətləri və prosesləri bilməli, stresli vəziyyətin səbəbini müəyyən edərək özümüz rahatlamalıyıq. Bunun üçün stresslə mübarizənin ən təsirli yollarına müraciət etməliyik. Tanınmış psixoloq və ailə Məsləhətçisi Rojin Nazik mövzu ilə bağlı məlumat verib:
"Gündəlik həyatımızda stressin mənfi nəticələrini mümkün qədər özümüzdən uzaq tutmalıyıq. Biz stresin öhdəsindən gəlmək bacarmalıyıq. Stress bədənimizin ona qarşı inkişaf etdirdiyi, daxili və xarici stimullarla bizə mənfi təsir göstərən reaksiyadır. Bu, bizim üçün təhlükə yarada biləcək bir vəziyyətdə bədənimizin təbii reaksiyasıdır. Stressin dozası artdıqda həyat keyfiyyətimizə mənfi təsir göstərə bilər.
Gündəlik həyatda məktəb, iş və ailə həyatında bir çox vəziyyət bizi stresslə baş-başa buraxa bilər. Psixi və emosional düşüncə vəziyyətimizdə yaranan stress təkcə neqativ hallarda baş vermir, imtahanqabağı vaxtlarda, bizi həyəcanlandıran gözlənilməz situasiyalarda hər an müşahidə oluna bilər.
Bəzən müdafiə mexanizmlərimiz işə düşür və bədənimiz özünü qoruya bilir. Stresslə baş-başa qalan insan belə vəziyyətlərdə döyüşmək əvəzinə qaçmağa üstünlük verə bilər.
Bəzən stress vəziyyəti əvvəlcədən müəyyən edilməli və bunun qarşısını almağa çalışılmalıdır. Belə vəziyyətlərin olduğu dövrlərdə idmanla məşğul olmalı, nizamlı qidalanmalı, sağlam olmayan qidalardan və kofeindən uzaq durmalıyıq. Bu dövrlərdə hər şeyin mükəmməl olması üçün heç bir səy göstərilməməlidir. Stresslə mübarizədə ən təsirli üsullardan biri olan yumordan tez-tez istifadə edilməlidir. Qarşılıqlı münasibətlərdə stresslə mübarizə aparmamaq üçün tərəflər bir-birini sədaqətlə dinləməlidir.
Stressin dozası çox vacibdir. Məşhur inancın əksinə olaraq, yüngül bir stress dozası bizə enerji verir və bizi aktivləşdirir. Məsələn, yeni işə başlamaq və ya yeni bir tanışlıq...Bu vəziyyətlərin öhdəsindən gəlmək bizə güvən hissi verir. Stresslə mübarizə yollarını bilmədiyimiz hallarda bu proses bizi yorur və nəticədə mübarizəmizin tükənməsinə səbəb olur. Zehni qərar verməkdə çətinlik çəkmək, unutqanlıq, gələcəyə dair mənfi hisslər və düşüncələr, daima neqativ hallara diqqət yetirmək, beynimizi bir şeylə məşğul etmək bizi stressin astanasında saxlayacaq. Bu prosesdə yaşanan vəziyyəti minimuma endirmək üçün stresslə mübarizə üsullarından tez-tez istifadə etməliyik".
Ləman Sərvanqızı
Sitat.info