İraqın paytaxtı Bağdadın mərkəzində partlayış baş verib.
"Report" bu barədə "As-Sumaria" telekanalına istinadən xəbər verir.
Məlumata görə, partlayış insident nəticəsində restoranın binası uçub.
İlkin ehtimallara görə, hadisə qaz kəmərinin partlaması nəticəsində baş verə bilər. Qurbanların dəqiq sayı barədə hələ məlumat verilmir.
INA agentliyinin məlumatına görə, bir neçə nəfər dağıntılar altındadır. Hadisə yerində xilasetmə işləri aparılır.