Qırmızı dənizin Sudan sahilləri yaxınlığında içərisində 15 min 800 qoyunun olduğu gəminin batması nəticəsində bütün heyvanlar məhv olub.
SİTAT.İNFO xəbər verir ki, səhər saatlarında 15 min 800 qoyunla Sudanın liman şəhəri Suakindən yola düşən "Bədr 1" adlı gəmi batıb. Səudiyyə Ərəbistanına doğru hərəkət edən gəminin maksimum 8 min heyvan tutumuna malik olduğu öyrənilib.
Qəzanın bu səbəbdən baş verə biləcəyini deyən rəsmilər, bütün heyətin xilas edildiyini açıqlayıb. Dənizə düşən minlərlə heyvanın iqtisadi və ekoloji problemlər yarada biləcəyi də bildirilib.
Ötən ay Suakin limanında baş verən yanğın bölgəyə böyük ziyan vurub və qəzanın səbəbini müəyyən etmək mümkün olmayıb.
Ləman,
SİTAT.İNFO