Suriyada neft və təbii qaz yataqlarını zəbt edən PKK/YPG Suriyanın neftini çıxararaq qurduğu şirkətlər vasitəsilə müxtəlif ölkələrə sataraq gəlir əldə etməyə çalışır. Ölkədə neft ticarəti təşkilatın Suriya qolu olan PYD-nin keçmiş həmsədri Şahoz Həsənin rəhbərlik etdiyi şirkət vasitəsilə həyata keçirilir.
Sitat.info xəbər verir ki, Təhlükəsizlik mənbələrindən əldə edilən məlumata görə, Suriyada Fərat çayının şərqində yerləşən neft yataqlarında işğalını davam etdirən PKK/YPG Rumeylan və Deyr əz-Zordakı nefti müxtəlif ölkələrdəki xarici şirkətlərə satmağa çalışır. PKK terrorçularının rəhbərlik etdiyi şirkətlər Suriyada neft yataqlarını zəbt edərkən, PKK/YPG-yə bağlı olan Cezire Petrol şirkəti nefti Suriyada sataraq PKK/YPG-yə gəlir gətirir. Terror təşkilatının yerləşdiyi bölgələrdə neft kəşfiyyatı və hasilatı həyata keçirən bir çox şirkət də Cezire Petrol şirkətinin nəzdində çalışır.
Suriyada neft ticarəti əvvəllər İraqda fəaliyyət göstərən PKK-çılar tərəfindən həyata keçirilir. PYD-nin keçmiş həmsədri Şahoz Həsənin Cezire Petrol şirkətinin idarəçisi olduğu, neftin Suriyada marketinqi üçün müxtəlif ölkələrdəki şirkətlərlə danışıqlar apardığı müəyyənləşib. Şirkətin meneceri Şahoz Həsən Suriyadakı bir çox PYD/YPG rəsmiləri kimi keçmişdə İraqda fəaliyyət göstərib. 1994-cü ildə PKK-ya qoşulan və Şimali İraqda fəaliyyət göstərən Şahoz Həsən 2011-ci ildə Suriya müharibəsinin başlaması ilə PKK-nın Suriya qolu olan PYD/YPG-də fəaliyyətə başlayıb. Şahoz Həsən 2017-ci ildə PYD-nin başına gətirilib və 2020-ci ilə qədər vəzifəsini davam etdirib, daha sonra Suriyada neft və təbii qazın satışını həyata keçirərək terror təşkilatı PKK/YPG-yə pul yığmaq üçün çalışıb.
Əsəd rejiminin xarici işlər nazirliyi də ötən ilin dekabrında BMT Təhlükəsizlik Şurasına göndərdiyi məktubda ABŞ-ı və anonim PKK/YPG-ni Suriyanın neft və təbii qazını oğurlamaqda ittiham edib. Mütəxəssislər ABŞ-ın dəstəyi ilə Suriyada fəaliyyət göstərən PKK/YPG-nin qurduğu şirkətlər vasitəsilə neft alveri edərək uzunmüddətli perspektivdə bölgədə qalıcı olmaq üçün terror təşkilatını maliyyələşdirməyi hədəflədiyini dəyərləndirib.
Seymur Bənnayev
Sitat.info