Yunan Hərbi Hava Qüvvələrinə məxsus döyüş təyyarəsinin Andravida şəhəri yaxınlığında qəzaya uğradığı öyrənilib.
Sitat.info xəbər verir ki, Yunan mətbuatı hava qüvvələrinə aid F-4 tipli döyüş təyyarəsinin İon dənizinə düşdüyünü, təyyarədə yalnız pilot və köməkçi pilotun olduğunu açıqlayıb.
Bildirilib ki, bölgədə uçan başqa bir döyüş təyyarəsi təyyarənin Andravidas hava limanında qəzaya uğradığını bildirib.
ERT televiziyası təlim uçuşunda olan iki pilotun qəzaya uğramadan əvvəl təhlükəsizlik sistemini işə saldığını və axtarış-xilasetmə işlərinin davam etdiyini açıqlayıb.
Seymur Bənnayev
Sitat.info