Ukrayna Rusiyanın hərbi itkilərinin sayını açıqlayıb.
APA xəbər verir ki, bu barədə Ukrayna Müdafiə Nazirliyi "Facebook" səhifəsində paylaşım edib.
Bildirilib ki, fevralın 24-dən bu gün səhər saatlarına qədər Rusiya qüvvələrinin 317 ədəd tankı, 120 ədəd artilleriya sistemi, 1070 ədəd zirehli döyüş maşını, 482 ədəd avtomobil texnikası, 49 ədəd hərbi təyyarəsi, 81 ədəd helikopteri, 3 ədəd gəmi/kateri, 60 ədəd yanacaq çəni, 28 ədəd havadan müdafiə sistemləri, 56 ədəd reaktiv yaylım atəş sistemi məhv edilib.
Ukrayna Müdafiə Nazirliyi Rusiya tərəfinin təxminən 12 000 nəfər canlı qüvvəsinin itirdiyini bildirib.