ABŞ 11 iranlı məmura insan haqlarının pozulmasını əsas gətirərək sanksiya tətbiq etmək qərarına gəlib.
Sitat.info xəbər verir ki, ABŞ dövlət katibi Antoni Blinken sanksiya qərarı ilə bağlı yazılı açıqlama verib:
"ABŞ İranın davam edən insan haqları pozuntularını pisləyir. Biz İran rejiminin qəddar siması ilə üzləşən İran xalqını və onun fundamental azadlıqlara hörmət tələbini dəstəkləməkdə qərarlıyıq".
"Bu gün Dövlət Departamenti dinc nümayişçilərin öldürülməsində, saxlanmasında, döyülməsində və dinc toplaşmaq yolu ilə onların ifadə azadlığına mane olmaqda məsul olan və ya əli olan 11 İran rəsmisinə viza məhdudiyyəti qoyur", - deyə açıqlamada qeyd olunur.
Seymur Bənnayev
Sitat.info