Çin Prezidenti Si Cinpin ilə Ukrayna Prezidenti Vladimir Zelenski arasında telefon danışığı olub.
Sitat.info xəbər verir ki, prezidentlər ikitərəfli münasibətləri müzakirə edib və Ukraynadakı böhran vəziyyəti ilə bağlı fikir mübadiləsi aparıblar.
Si Cinpin Zelenski ilə söhbətində deyib ki, Çin Ukraynada tezliklə atəşkəs əldə etməyə çalışacaq."Çin danışıqlar prosesini və mümkün qədər tez atəşkəsi qətiyyətlə təşviq edəcək".
Pekin ümid edir ki, bütün maraqlı tərəflər “Ukrayna böhranını düzgün başa düşəcəklər” və dialoq yolu ilə “Avropada uzunmüddətli sülh üçün yol açacaqlar”.
O bildirib ki, dialoq və danışıqlar münaqişədən yeganə mümkün çıxış yoludur.
Si Cinpinin fikrincə, nüvə müharibəsində qalib yoxdur, hamı soyuqqanlı davranmalıdır. "Nüvə müharibəsində qalib yoxdur. Nüvə məsələsində bütün tərəflər sakit və təmkinli olmalıdırlar. Biz öz gələcəyimizə, eləcə də bütün bəşəriyyətin gələcəyinə əsaslanaraq problemə həqiqətən baxmalıyıq", - Si Cinpin deyib.
Nərgiz,
Sitat.info