Rusiyanın Sverdlovsk vilayətində baş verən yanğınlarda 178 binanın külə çevrildiyi, 659 nəfərin evsiz qaldığı, 1 nəfərin öldüyü bildirilib.
Sitat.info xəbər verir ki, Rusiya Fövqəladə Hallar Nazirliyindən verilən açıqlamada yanğınlarda 178 binanın yanaraq kül olduğu, 148-i uşaq olmaqla ümumilikdə 659 nəfərin evsiz qaldığı və 1 nəfərin həlak olduğu bildirilib.
Yanğınlara 380-dən çox yanğınsöndürənin havadan və yerdən müdaxilə etdiyi öyrənilib. Rəsmilər tərəfindən verilən açıqlamada Karpinsk şəhərində yanğının söndürüldüyü, digər bölgələrdə də yanğınların nəzarət altına alındığı qeyd edilib.
Yanğınlarla bağlı iki ayrı araşdırmanın başladığı qeyd edilib.
Seymur Bənnayev
Sitat.info