Rusiya Müdafiə Nazirliyinin mətbuat katibi İqor Konaşenkov bildirib ki, gecə saatlarında dənizdən atılan uzaqmənzilli silahlarla intensiv hücumlar nəticəsində Ukrayna hərbi birləşmələrinin yerləşdirildiyi hədəflər vurulub.
Sitat.info xəbər verir ki, Konaşenkov Ukraynadakı müharibədə Rusiya hərbi birləşmələrinin hərəkətləri ilə bağlı açıqlamalar verib.
Konaşenkov gecə saatlarında Ukrayna ordusunun ehtiyat hissələrinin yerləşdirildiyi nöqtələrə dənizdən atılan yüksək dəqiqlikli uzaqmənzilli silahlarla intensiv hücumun həyata keçirildiyini bildirib.
Donetsk istiqamətində Artyömovsk (Baxmut) şəhərində rus hücum dəstələrinin şimal-qərb, cənub-qərb və qərbdə 4 məhəlləni nəzarətə götürdüyünü qeyd edən Konaşenkov, hava-desant qüvvələrinin şəhərin şimal və cənubunda Ukrayna əsgərlərinə təzyiq etdiyini qeyd edib.
Seymur Bənnayev
Sitat.info