Pentaqon rəsmiləri hər birində iki əsgər olan ABŞ ordusuna məxsus iki "AH-64 Apache" helikopterinin təlim missiyasından sonra Alyaskada qəzaya uğradığını açıqlayıb.
Sitat.info xəbər verir ki, ABŞ Ordusunun 11-ci Hava Desant Diviziyasının məlumatına görə, helikopterlər cümə axşamı Alyaskanın mərkəzindəki Healy şəhəri yaxınlığında, Fort Wainwright bazasından təxminən 128 kilometr cənub-qərbdə qəzaya uğrayıb.
"İlkin tibbi yardım ekipajları hadisə yerindədir. Hadisə ilə bağlı araşdırma aparılır və əlavə məlumat əldə edildikdən sonra açıqlanacaq", - məlumatda qeyd olunur.
Verilən məlumata görə, təyyarədə olan 4 nəfərdən 3-ü ölüb 1-i isə yaralanıb.
Qeyd edək ki, "AH-64" döyüş helikopteri adətən bir pilot və bir topçu olmaqla iki nəfərdən ibarət ekipajı daşıyır.
Seymur Bənnayev
Sitat.info