Sudan Ordusu, Paramillitar Qüvvə Çevik Dəstək Qüvvələrinin Vadi Seyidna Hava Bazasında Türkiyə təxliyə təyyarəsinə atəş açdığını açıqlayıb.
Sitat.info xəbər verir ki, Sudan Ordusundan verilən açıqlamada bildirib: "Paramillitar qüvvə Çevik Dəstək Qüvvələri Vadi Seyidna Hava Bazasında Türkiyəyə məxsus təxliyə təyyarəsini vurub, 1 ekipaj üzvü yaralanıb".
Açıqlamada ÇDQ-nin Türkiyə təxliyə təyyarəsinə eniş edərkən atəş açdığı və yanacaq doldurma hissəsinin zədələndiyi bildirilib. "Reuters"in məlumatına görə, daha sonra təyyarənin təhlükəsiz eniş etdiyi bildirilir.
Vadi Seyidna aviabazası Sudanın paytaxtı Xartum yaxınlığında yerləşir.
Seymur Bənnayev
Sitat.info