Ukrayna Quru Qoşunlarının komandanı Aleksandr Sirski bildirib ki, Ukrayna müdafiə qüvvələrinin Baxmut istiqamətində əks-hücum hərəkətləri davam edir.
Sitat.info xəbər verir ki, Sirski sosial media hesabında Ukrayna qoşunlarının döyüş meydanından çəkdiyi görüntüləri paylaşıb.
Görüntülərdə ukraynalı əsgərlərin Rusiya mövqelərinə atəş açaraq irəlilədiyi görünür.
Ukrayna ordusunun 3-cü və 10-cu hücum briqadalarının Baxmut istiqamətindəki işlərinin kameralara düşdüyünə diqqət çəkən Sirski: "Müdafiə güclərimizin Baxmut istiqamətində əks-hücum hərəkətləri davam edir", - deyə qeyd edib.
Sirski iddia edib ki, ukraynalı əsgərlər rus qüvvələrini mövqelərindən geri itələyib və strateji mövqelər əldə edib.
Seymur Bənnayev
Sitat.info