Ukrayna prezidenti Vladimir Zelenski bildirib ki, hazırda Kreml ruslar arasında Vaqner lideri Yevgeni Priqojinə dəstəyi ölçür. Məlum olub ki, “Putinin aşpazı”nın üsyanını Rusiyanın yarısı dəstəkləyib.
Sitat.info xəbər verir ki, bunu Ukrayna prezidenti Vladimir Zelenski CNN-ə müsahibəsində kəşfiyyat məlumatlarına istinadən deyib.
"Rusiyanın yarısı Priqojini, yarısı da Putini dəstəklədi. Bu arada Rusiyanın bəzi regionları kimə dəstək verəcəyini dəqiq bilmirdilər. Hamımız bu prosesi görürük və bu, Rusiya əhalisinin yarısının ciddi şübhə içində olduğunu göstərir", - deyə Zelenski bildirib.
Rusiyada müharibəyə ictimai dəstək yüksək olaraq qalır, lakin Priqojinin üsyanı ruslar arasında şübhə yaradıb. Xüsusən də qiyam günü Rostovdan çəkilmiş videoda rusların Priqojinlə səmimi şəkildə əl sıxması göstərilir.
Məğrur,
Sitat.info