Bakı-Quba yolunda iki maşın toqquşub.
APA-nın şimal bürosunun verdiyi məlumata görə, hadisə magistralın 78-ci km-də, Siyəzən rayonu ərazisində qeydə alınıb. “Nissan” və “Mercedes” markalı avtomobillərin toqquşması nəticəsində iki nəfər dünyasını dəyişib. Onlar 1988-ci il təvəllüdlü Xalidə Xəlilzadə və 19 yaşlı Gülbəniz Qaçıyevadır. Qəza zamanı 4 nəfər də müxtəlif dərəcəli bədən xəsarətləri alıb.
Faktla bağlı araşdırmalar davam etdirilir.