İspaniyanın Barselona şəhəri yaxınlığında stansiyada bir qatarın arxadan gələn qatarla toqquşması nəticəsində baş verən qəzada 155 nəfər xəsarət alıb.
Sitat.info xarici mediaya istinadən xəbər verir ki, yerli vaxtla saat 07:50-də baş verən qəzadan sonra bölgəyə yanğınsöndürənlər və tibbi yardım qrupları göndərilib. Qatarlarda olan sərnişinlər təxliyə edilərkən, qəza nəticəsində 155 nəfərin yaralandığı, onlardan 3-nün xəstəxanaya yerləşdirildiyi açıqlanıb.
Ölkədə dövlətə məxsus dəmir yolu xidmətlərini idarə edən “Renfe” şirkətindən verilən açıqlamada qəzaya görə bəzi xətlərdə qısamüddətli kəsilmələr olub. Qəza ilə bağlı araşdırmalara başlanılıb.