Pakistanın Xuzdar şəhərində bombalı motosiklet ilə təşkil olunan hücum nəticəsində 3-ü uşaq olmaqla ümumilikdə 13 nəfər yaralanıb.
Sitat.info xəbər verir ki, Pakistanın Bəlucistan əyalətinin Xuzdar şəhərində bombalı hücum həyata keçirilib. Hücum zamanı 3-ü uşaq olmaqla ümumilikdə 13 nəfər yaralanıb.
Partlayışın baş verdiyi bölgədəki xəstəxanalarda fövqəladə vəziyyət elan edilərkən, yaralılardan 2-nin vəziyyətinin ağır olduğu bildirilib. Hadisə şahidləri bildiriblər ki, bölgədə iki partlayış olub, ikinci partlayışda isə çoxu yaralanıb.
"Polis əraziyə çatıb və ətrafı mühasirəyə alıb" deyən Xuzdar polis məmuru Məhəmməd Can Sasoli hücumun motosikletə yerləşdirilən Bomba ilə həyata keçirildiyini bildirib. Hücum edənlərin tutulması üçün bölgədə əməliyyatın başladığı bildirilib.