Rusiyanın müdafiə naziri Sergey Şoyqu təftiş çərçivəsində Sakit Okean Donanmasının yüksək döyüş hazırlığı vəziyyətinə gətirildiyini bildirib.
Sitat.info xəbər verir ki, Şoyqu paytaxt Moskvada hərbi rəsmilərlə görüşdə prezident Vladimir Putinin göstərişi ilə orduda yoxlamaların aparıldığını açıqlayıb.
Bunun hərbi qüvvələrin hazırlığının aşkarlanması və təkmilləşdirilməsi məqsədi ilə edildiyini bildirən Şoyqu deyib: “Bu gün saat 9-da (Vladivostok vaxtı ilə) Sakit Okean Donanması hərəkətə keçərək yüksək döyüş hazırlığı vəziyyətinə gətirilməyə başlayıb".
O qeyd edib ki, yoxlamanın məqsədi düşmənin okean və dəniz zonalarında silahlı qüvvələrinin təcavüzü dəf etmək qabiliyyətini artırmaqdır. Baş Qərargahın əmrlərinə uyğun olaraq təlim planı hazırlayaraq donanma qısa müddətdə döyüş əməliyyatlarına hazırlaşmalı, yaxın və uzaq dəniz bölgələrində müəyyən döyüş hazırlığı keçirilməli olacaq.
Bu kontekstdə Şoyqu Oxot dənizinin cənub hissəsinə, Saxalin adasına və Şimali Sakit Okeanın Kuril adalarına düşmənin mümkün yerləşdirilməsinin qarşısı alınmalı olduğunu vurğulayıb və nəzarətin həyata keçiriləcəyi barədə məlumat verib.
Təftiş Rusiya Hərbi Dəniz Qüvvələrinin rəhbəri, admiral Nikolay Evmenovun rəhbərliyi altında aparılacaq.
Məğrur
Sitat.info