Rusiya Müdafiə Nazirliyinin mətbuat katibi İqor Konaşenkov Ukrayna ordusuna məxsus 2 “Miq-29” və 2 “Su-25” model döyüş təyyarəsini vurduqlarını bildirib.
Sitat.info xəbər verir ki, Rusiya Müdafiə Nazirliyinin mətbuat katibi İqor Konaşenkov Rusiya ordusunun Ukraynadakı müharibədəki hərəkətləri ilə bağlı açıqlama verib.
Konaşenkov bəyan edib ki, Artyomovsk şəhərinin şimal-qərb və mərkəzi hissələrində Ukrayna Silahlı Qüvvələrinin hücum dəstələrinin əks-hücum cəhdlərinin qarşısı alınıb.
Rusiya Hərbi Hava Qüvvələrinə məxsus təyyarələrin bir gündə Ukrayna Hərbi Hava Qüvvələrinə məxsus 3 təyyarəni vurduğunu qeyd edən Konaşenkov Donetsk vilayətinin Novoukrainka və Sergeyevka yaşayış məntəqələri yaxınlığında 2 "Miq-29"un, bir "Su-25" qırıcısının vurulduğunu bildirib.
Konaşenkov həmçinin bildirib ki, Rusiya hava hücumundan müdafiə sistemləri Uqledar yaxınlığında Ukrayna Hərbi Hava Qüvvələrinə məxsus "Su-25" döyüş təyyarəsini də vurub.
Mətbuat katibi Konaşenkov bildirib ki, bu günə kimi 411 təyyarə, 228 helikopter, 3776 pilotsuz uçuş aparatı, 415 hava hücumundan müdafiə raket sistemi, 8732 tank və zirehli texnika, 1089 çoxbarelli reaktiv yaylım atəşi sistemi, 4619 haubitsa və hava topu, 9617 xüsusi hərbi maşının zərərsizləşdirilib.
Seymur Bənnayev
Sitat.info